മരണമില്ലാത്ത ഓർമ്മകൾ

ഓർമ്മകൾക്ക് മരണമുണ്ടോ
മൗനം മറുപടിയായി തന്നു കാലം

കാലചക്രത്തിൻ താരാട്ടിൽ
അവ സുഖനിദ്ര പൂകുന്നു

നിശ്വാസത്തിൻ ചൂടേറ്റു വാങ്ങിയവ
അസ്ഥികളിലൊരു കൂടു പണിയുന്നു

കാൽചുവടുകളിന് താളം ഏറ്റുവാങ്ങി
മനസ്സിന്നാഴങ്ങളിൽ ഒളിച്ചു പാർക്കുന്നു

ഓർമകൾ പടിയിറങ്ങിയെന്നു നിനച്ചു
മനസ്സ് പുതുതീരങ്ങൾ തേടുന്നു

നടന്ന് തീർത്ത വഴിയൊരങ്ങൾ നമുക്കായ് കാത്ത് നിൽക്കുന്നു

ചില ചിത്രങ്ങൾ ചില കാഴ്ചകൾ ആ പഴമയിലേക്ക് നമ്മേ അടുപ്പിക്കുന്നു

ഓർക്കാൻ മാത്രം വിധി നൽകിയ തിരുച്ചു വരാത്ത സുന്ദര കാലം നമ്മെ മാടി വിളിക്കുന്നു

അനുവാദമില്ലാതെ
നിലാവിലെ നിഴൽ പോലെ
ഓർമകൾ നടന്നടുക്കുന്ന
മനസ്സപ്പോൾ പിറുപിറുത്തു
” ഓർമകൾ മരിക്കുന്നില്ല ”