മഹാത്മാഗാന്ധി സർവകലാശാലയിൽ അഫിലിയേറ്റ് ചെയ്ത സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളേജുകളിലെ 2024-25 വര്‍ഷത്തെ ബിരുദാനന്തരബിരുദ പ്രോഗ്രാമുകളിലെ ഏകജാലക പ്രവേശനത്തിന് ഇപ്പോൾ ഓൺലൈൻ ആയി രജിസ്റ്റർ ചെയ്യാം.
അപേക്ഷ: അപേക്ഷ സമര്‍പ്പിക്കാന്‍ cap.mgu.ac.in എന്ന വെബ്സൈറ്റ് മുഖേന ഓണ്‍ലൈനായാണ് അപേക്ഷ സമര്‍പ്പിക്കേണ്ടത്.
അപേക്ഷിക്കേണ്ട അവസാന തീയതി ജൂണ്‍ 15.
നിർദേശങ്ങൾ:
- അപേക്ഷകർ സാക്ഷ്യപത്രങ്ങളുടെ ഡിജിറ്റൽ പകർപ്പ് അപേക്ഷയോടൊപ്പം അപ്പ്ലോഡ് ചെയ്യേണ്ടതായുണ്ട്.
സംവരണാനുകൂല്യം അവകാശപ്പെടുന്ന അപേക്ഷകർ ഓൺലൈൻ അപേക്ഷയോടൊപ്പം റവന്യൂ അധികാരിയിൽ നിന്നുമുള്ള കമ്മ്യൂണിറ്റി/കാസ്‌റ്റ് സർട്ടിഫിക്കറ്റിന്റെ ഡിജിറ്റൽ പകർപ്പ് അപ്ലോഡ് ചെയ്യേണ്ടതാണ്.
മുന്നോക്ക വിഭാഗങ്ങളിലെ പിന്നോക്കക്കാർക്കായി സംവരണ ചെയ്ത സീറ്റുകളിലേക്ക് അപേക്ഷിച്ചിട്ടുള്ളവരും റവന്യൂ അധികാരിയിൽ നിന്നുമുള്ള നിശ്ചിത പ്രൊഫോർമ പ്രകാരമുള്ള സാക്ഷ്യപത്രത്തിൻറ ഡിജിറ്റൽ പകർപ്പ് അപ്ലോഡ് ചെയ്യേണ്ടതാണ്
എയ്ഡഡ് കോളേജുകളിൽ പ്രസ്തുത കോളേജ് പ്രതിനിധാനം ചെയ്യുന്ന സാമുദായിക വിഭാഗത്തിനായി സംവരണം ചെയ്ത കമ്മ്യൂണിറ്റി മെറിറ്റ് സീറ്റുകളിലേക്കു പ്രവേശനമാഗ്രഹിക്കുന്നവർ ഓൺലൈനായി അപേക്ഷിക്കേണ്ടതാണ്. അപേക്ഷകരിൽ നിന്നും മെറിട്ട് അടിസ്ഥാനത്തിൽ അലോട്മെന്റ് സർവ്വകലാശാല നേരിട്ട് നടത്തുന്നതായിരിക്കും. ഇത്തരം സീറ്റുകളിലേക്ക് അപേക്ഷിക്കുന്നവർ ബന്ധപ്പെട്ട റവന്യൂ അധികാരിയിൽ നിന്നുമുള്ള കമ്മ്യൂണിറ്റി സർട്ടിഫിക്കറ്റിന്റെ ഡിജിറ്റൽ പകർപ്പ് അപ്ലോഡ് ചെയ്യേണ്ടതാണ്. 
സർവ്വകലാശാല പ്രസിദ്ധീകരിച്ചിട്ടുള്ള പ്രോസ്പെക്ടസ്സിൽ നിഷ്‌കർഷിച്ചിരിക്കുന്ന സാക്ഷ്യപത്രങ്ങളുടെ അസ്സൽ, പ്രവേശന സമയത്ത് ബന്ധപ്പെട്ട കോളേജ് പ്രിൻസിപ്പൽ മുൻപാകെ നിർബന്ധമായും ഹാജരാക്കേണ്ടതാണ്.
സാധ്യത അലോട്ട്മെന്റ് ജൂൺ 19 നും, ഫസ്റ്റ് അലോട്ട്മെന്റ് ജൂൺ 26 നും നടക്കുന്നതാണ്.
മാനേജ്‌മെൻറ്, ലക്ഷ്വദ്വീപ് ക്വാട്ടകളിൽ ഓൺലൈൻ മുഖേന മാത്രമാണ് അപേക്ഷ സ്വീകരിക്കുക. രണ്ടുവിഭാഗത്തിലും പ്രവേശനം ആഗ്രഹിക്കുന്നവർ ഏകജാലക സംവിധാനത്തിലൂടെ അപേക്ഷിക്കുകയും പ്രവേശനം ആഗ്രഹിക്കുന്ന കോളേജിൽ അപേക്ഷ നൽകുമ്പോൾ അപേക്ഷാ നമ്പർ നൽകുകയും വേണം. ഏകജാലകത്തിലൂടെ അപേക്ഷിക്കാത്തവർക്ക് ഈ ക്വാട്ടകളിലേക്ക് അപേക്ഷിക്കാൻ കഴിയില്ല.
സർവ്വകലാശാലയിൽ ലഭ്യമായ പ്രോഗ്രാമുകളുടെ ഫീ വിശദാംശങ്ങൾ,കോളേജ് തല ഹെല്പ് ഡസ്കുകളുടെ സഹായം തുടങ്ങി വിശദമായ വിവരങ്ങൾക്ക് cap.mgu.ac.in എന്ന വെബ്സൈറ്റ് സന്ദർശിക്കാവുന്നതാണ്.